Archive for the ‘қоқысты бөліп лақтыру’ Tag

Қоқыс лақтыру   18 comments

Жапонияда кез келген уақытта қоқысты лақтыра алмайсың, баяғыдағы бір универ туралы постымда жазған едім ғой. Қазір ғой бұрынғыдай емес, квартираға шыққасын қоқысты уақытында лақтырып үлгермесең қалады келесіге дейін. Мынау менің бір апталық пластик қоқысым.

Жапондарда не көп, пластик қоқыс көп. Осы пластик қоқыс ішінде жүзім салған пластик, алма салған пластик, йогурттың ыдысы сияқты заттар. Айтпақшы йогурт ыдысын лақтырарда жуып лақтыру керек:).

Осындайдан тағы бір пакет тұр, өткен аптаның қоқысы:). Өткен сәрсенбі күні кеш тұрып, лақтырып үлгермегенмін. Аптасына бір ақ рет болғасын менде көбіне осылай қап қояды, екі аптаның пластик қоқысын жинап бірақ лақтырамын көбіне, арасында пысық болып кеткен кездері болмаса:). Пластик қоқыс енді көгеріп, не иісі шығатын емес, орын алады дегені болмаса, бір бұрышта тұрып, былай зияны жоқ болғасын сабаққа шығып бара жатқанда ұмтылып қалатыны бар. Үйге жақын жерде арнайы бір жерге қойып қоямыз, содан арнайы машина кеп ап кетеді.

Ана артында тұрған қызыл ыдысқа ас үй қоқысы, жанатын қоқысты жинаймын, иіс шықпас үшін осы бір бакты алғанмын. Оны сол дүйсенбі және бейсенбі күндері лақтыру керек. Ол енді иісі шығуы мүмкін болғасын уақытында лақтырылады.

Осындай жүйеге әбден үйреніп алған мен, осы жазда Алматыға барғанда жамааан болдым ғой. Үйдегі қоқысты бәрін былықтырып тастағанға жаман жүрегің ауырады екен тегі..

Пластиктерді бөліп лақтырып, оларды өңдеген қандай жақсы, әйтпесе пластик ол бір мәңгі материал ғой, шірімейд та, дәнеңе етпейді. Пластик бөтелке, полиэтилен пакет топыраққа сіңуіне 500 жыл кетеді. Қазір полиэтилен пакеттерді тасталмаған жері жоқ, теңіз акулаларының асқазанынан да шығып жатыр.. Сосын қайта өңделген пластик пен жаңа пластик өнімді шығаруға жұмсалатын энергияны есептегенде, қайта өңдеуде ауаға CO2- көмірқышқыл ғазы 90% ке аз шығады.

Адамдар өзімізге өзіміз жаумыз.

түнгі универ және қоқыс туралы пост??:))   18 comments

Бүгін менде сабақ жоқ, содан түске дейін ұйқтадым, одан бөлмемді жинадым.Осы апта ерте кетем, кеш келем, бөлмеге мүлдем қарамағам. Жалғыз тұрған бір жақсы жері сол, қанша шашсаң да өзің білесің:)))) хаха.. Мусор деген ол жиналып алған, соны апарып төккенге таңертең әрбір минут санаулы, ал түнде ерінесің, сонымен пакет толған болатын. Рисайкл болатын (қайта өңдейтін) пластик бөтелкелерді ас үйдегі ортақ қоқысқа сала салдым себебі, рисайклдың арнайы жасыл белгілі пакетін алмаған едім, тек жанатын мусор менен жанбайтын мусорды ғана жинап жүрмін бөлмеде. Жанбайтын мусорға сол полиэтилен пакеттер сосын әртүрлі пластиктер жатады, осы жапондарда не көп қап көп, мысалға бір шоколад 3 қапқа оралады, бірі қағаз, бірі полиэтилен сосын пластик қап болады көбіне, содан мусор жиналмағанда қайтед.. Йоргурт, бетіндегі қақпағында пла- яғни пластик деген жазу тұрад яғни жанбайтын мусор, ал қабы қағаз деп тұрады, демек қабын жанатын мусорға тастау керек.

Жанатын мусор қызыл түсті жазуы бар пакетке, көк түсті жазуы бар пакетке жанбайтын қоқыстарды салу керек. Read the rest of this entry »