Мен баратын ыстық бұлақ-монша

Былтыр онсен ыстық бұлақ туралы пост жазған едім, сол тақырыпты жалғастырайын. Негізі мен осы жолы квартира таңдағанда да ыстық бұлаққа жақын жерден алған едім пәтерді, түнгі 12-ден кейін асықпай барамын деп ойлағанмын. Сүйтсем ол қуанышым ұзаққа бармады. Сұмырай келсе су құриды дегендей, мен көшіп келгесін көп ұзамай ол онсен жабылып қалды, кейін орны бұзылып, ал қазір тіпті жаңа үй салына бастады:(.

Содан қазір басқа жерге баратын болдық:) Тау басында Фукуною деп аталады. Алдыңғыға қарағанда үлкен және ішіндегі навороттары да жақсырақ, бірақ анау дәл үйдің түбінде керемет еді. Фукуноюға орталық вокзалдан жарты сағат сайын ақысыз шатл бас яғни автобус қатынайды  түнгі онға дейін, ал менің үйімнің қасынан 2 сағатта бір жүреді. Былайша қолайлы.

Сонымен қазір барып жүрген жеріміздің суреттерін ілейін, өздерінің сайттарынан алдым суреттерді. Біздегідей еркектер және әйелдер залына бөлінеді. Сосын отбасыларына арналған залдары бар,олар біздегі мини сауналар сияқты. Ал мынау ең үлкен залы. Жуынатын душтар мен әртүрлі сулар орналасқан. Мына ең бер жағындағы бассейн суы керемет. Суы тұзды және газдалған су. Суға кіргенде теріңнің бетіне көпіршіктер жабысады:). Неше түрлі ауруларға себі бар деп жазылған. Стресске жақсы әйтеуір:).Германияның бір атақты курортындағы судай дейді қабырғадағы жазуда:). Бассейн дегеніме терең деп ойлап қалмаңдар, ешқайсы терең емес, себебі жүзуге арналған сулар емес қой, отырғанда мойынға дейін ғана. Залдың арғы жақ бетінде душевой кабиналар.

массаж эффекті бар сулар. Арқаға мойынға ұрады сулар, әрқайсы әртүрлі, сол үшін керегін таңдау керек. Арғы жағы 1-метрдей тереңдігі бар, сол үшін кішкене балаларды кіргізуге болмайды. Ана қабырғадан шығып тұрған нәрселер сенсор, бір қосылғанда 3мин-қа қосылады ғой дейм, сосын тоқтап қалса, ана сенсорға қолыңды былғасаң қайта бастайды.

душтар орналасқан қатарымен, әрқайсында міндетті түрде шампунь, кондиционер сосын гель для душа болады.

тағы да бір cуық сумен, сосын бірдеме эффектісі бар табиғи сумен бассейндері бар зал ішінде. Одан кейін құрғақ сауна

булы сауна, наноэффекті дейма бірдемесі бар, онысын аса ұқпайм енді.

тұзды сауна, аяғына қарай барып тұзбен өлі теріні алып тастағанға жақсы. Арғы жағында тағы бір бөшкеде тұз тұрады, ал бергі бөшкеде су тұр, ол шығарда отырған орныңдағы тұзды, сосын жер көкті тұз қылмас үшін денеңдегі тұзды шайып тастау үшін.

булы сосын тұзды сауна залдың тысында орналасқан. Себебі сыртта да бассейндер сосын демалатын орындықтар бар. Тау басында орналасқасын қаланың көрінісі тамаша

ұйқы суы:). Басқа бассейндерге қарағанда температурасы бәсеңдеу, 38-39 градус шамасында болады. Өткенде шынымен осы суда демалып жатып көзім ілініп кетіп, 20 минтан артық ұйқтаппын:)))).

Бамбук шүмек:). 2 адам ыспокойно сыйятын ванналар. Көбіне балалар ойнағанды жақсы көреді:). Бұлар да ашық аспан астында.

сосын түнгі көрінісі

Нагасакидің түнгі көрінісі

А айтпақшы бағасы шашамен 10$-дай.

тағы да жалғасы бар. Бұдан бөлек арнайы сауна залдары да бар. Оны кейін жазармын.