Жапонияда не істеп жүрсің?

Осы сұрақты маған жиі қояды..

жауабын білетіндер де бар, айтсаң да келесі жолы айналып кеп қайта сұрайтындар да бар:)))

ондай жағдайда осы жазбаға бірден линк берем келесіде!!!

Жапонияға оқуға келдім. Қазір аты әлемге әйгілі Нагасаки қаласындамын. Осы қаладағы, мемлекет қарамағындағы Нагасаки университетінде оқып бастадым.  Осында экология саласында оқу үшін келдім, ағылшынша айтқанда Environmental management, Environmental policy қоршаған ортаны қорғау саласындағы үйлестірулер десем ба, жалпылай осылай түсіндіре алам оқып жатқан мамандығымды. 2010 жылдың  сәуір айында Master in Environmental Studies- магистратураны бастадым.

Нагасакиге 2009 ж. қазанында келдім. Басында статусым-зерттеуші болды, негізі біздің  жүйеде оқитын, әлде оқыған адамдар үшін түсініксіздеу болар, бірақ ана біздегі дайындық курсы деп қабылдасаңыздар да болады..

Дайындық болғандай қандай дайындық?- дерсіздер

Менікі жапон мемлекетінің  гранты бойынша келгендіктен, міндетті түрде дайындық курсын өтуім керек, барлық шетелдік студенттер көбіне мастер не доктор оқу үшін 6 ай-не болмаса 1 жыл дайындық курсын оқиды, дайындық курсында интенсивті түрде жапон тілін оқып шығулары керек, бірақ мен ондай курстарға барғвм жоқ, себебі көбіне ол курстарға жапон тілін 0-ден бастаған студенттер барады,  ал маған ол керек емес. Негізі адвансед жапоншаға барғым келген еді, бірақ неге екені, менің  шақыру қағазымда жапон тілі дайындығы керек емес деп баттитып жазып қойылған екен:) хи-хи шамасы интервью кезінде жапоншасы дамып кеткен біреу сияқты көрінгем ғой (^_^) жоо,  шынымен маған ондай курстар қызық емес, босқа уақыт өткізу болар ед, бірақ иероглиф курсына барғым ақ кеп еді, не істим енді жазбаған екен, ой жоқ маған керек деп мен де айтпадым, әйтеуір қазір де әйтіп-бүйтіп бірдеме ғып оқып жүрм икроглифтерді:)).

Ал мендегі дайындық ол басқа, мен бұл салаға жаңадан келіп жатқандықтан білгенімнен білмегенім көп екені белгілі. Мамандық өте қызық, бірақ дәл қай бағытта жылжитыным белгісіз болды. Экология менеджменті ішінде айта берсең саласы көп, мысалға әртүрлі рисктерді бағалау, бақылау, басқару жағы бар, ресурстарды үнемдеу саласы, болмаса қалдықтарды қайта өңдеу-waste management, қоршаған ортаға тиетін әсердің көлемін бағалау-environmental impact assessment, глобалды экология- климаттың өзгеруі, мұздықтардың еруіне қатысты шаралар тб, одан басқа аймақтық экология, сосын экологиялық экономика ол бар, еех айта берсе жетеді. Сол келген қазаннан бастап неше түрлі сабақтарға қатысып 3-4 ай ішінде өзіме бағыт таңдауым керек болды.

Мысалға сабаққа бірге барып жүрген бір қытайлық қыз Қытайдағы тұтынушылар мәселесін зерттесе, мастер 1 курстан жапондық біреу, аймақтарда қарт адамдарға өмір сүруіне қолайлы ортаны қалыптастыру туралы тақырып алған, оның зерттеуі социалогия тарапынан қарастыруда көбіне.. Аймақтарда болғанда конкретно Нагаскаидің  бір аймағын алған.

сол сияқты мен де өзіме бір бағыт-бағдар таңдауым керек еді..

Ой жүз құбылып, ақыр аяғында қоршаған орта экономикасы саласын таңдадым. Оның ішінде Heritage Valuation немесе Cultural valuation. Жалпақ тілмен айтқанда мәдени мұралардың экономикалық бағасын шығару. Ал қазіргі зерттеу тақырыбым Юнеско қарамағындағы әлемдік мұрағаттар тізіміне кіретін Түркістандағы Қожа Ахмет Ясауи мавзолейіне қатысты.

Негізі қоршаған орта экономика саласы Жапонияда соңғы кездері жақсы дамыған әсіресе парктерді, ұлттық қорықтарды бағалау деген сияқты нысандарды бағалау жағы бар, ал мәдени мұра жағы аса жоқ. Бүкіл әлемде ондай мысалдар көп емес негізі. Ұрпақтан ұрпаққа жалғасар құндылығы болса да, экономикалық бағасы жоқ (мүмкін емес) нысандарды бағалау өзіме қызық сияқты боп көрінді.

Ал ақыры бастаған әңгімеме оралсам мен мастерге түсу үшін 2010 ж. қаңтар айында емтихан тапсырдым, Емтихан екі бөліктен тұрады. Бірі жазбаша, бірі интервью. Жазбаша емтихан-бұл мамандық бойынша емтихан. Мамандыққа қатысты 5 сұрақ-мәселе беріледі, соның ішінен 2-2ін таңдап әрқайсына A4 көлемінде жауап беру қажет. Одан кейін жапон тілі, бұл шетелдіктерге қатысты. Жапондар ағылшын, қытай тб тілдерді тапсырады.

Университетке және оқып жатқан мамандыққа орай кей жерлерде ағылшынша оқуға болады. Менің универімде,менің мамандығым бойынша ондай бақыт жоқ маған:). Сабақтарым толықтай жапонша, арасында ағылшын тіліндегі материалдар қолданғаным болмаса. Бірақ диссертацияны ағылшынша жазамын Иншаллах. Профессорым ағылшын тілімен дос адам:).

Жалпы менің стипендиям 1 жарым жылға арналаған еді, сол аралықта мастерге не докторға түсіп үлгеру керек.

Басында келген кезде қайта-қайта  өзімнің зерттеу жоспарымды жапон оқу білім министрлігіне тапсыруым керек болды, себебі егер мастер не доктор оқитын жағдайда ол 1 жарым жылдық стипендияны созу керек қой, сондықтан олар қаржы жағын алдын ала жоспарлаулары үшін.

Менің оқып жатқаным Жапон білім министрлігі MEXT не болмаса Monbukagakusho гранты. Жыл сайын жаз айында жапон елшілігінде құжаттар қабылданып,  өз салаңа қатысы жоспар тапсырылып, сосын жапон тілі, ағылшын тілінен емтихан бар. Ақпараты жапон елшілігінің сайтында бар.